Virksemið hjá KSS í Klaksvík hevur fingið umhvørvisgóðkenning
Umhvørvisstovan hevur tann 28. aug. 2019 givið virkseminum hjá KSS í Klaksvík umhvørvisgóðkenning. Í góðkenningini eru m.a. settar treytir til innrætting og rakstur av virkinum, fyri at fyribyrgja og avmarka dálking av umhvørvinum frá virkseminum.
Virksemið á KSS er ný- og umbygging eins væl og umvælingar og viðlíkahald av skipum og øðrum flótandi eindum, sum antin liggja við kai ella verða tikin upp. Talan er bæði um stál-, aluminium-, glasfibur- og timburskip.
Í umhvørvisgóðkenningini er serligur dentur lagdur á, at útlátið av dálkandi evnum til bæði sjógv og luft, er so lítið sum gjørligt. Harafturat er treyt sett til, at KSS skal hava eina umhvørvisstýrisskipan, sum m.a. inniheldur skrivligar mannagongdir fyri stýring av virkseminum hjá KSS, so sum røkt av reinsiskipan, dálkingaravmarkandi tiltøk og fyribyrging av óhappum.
Eisini er dentur lagdur á, at virksemið ikki elvir til luktampar ella óljóðsampar í nærumhvørvinum.
Um tú hevur spurningar ella viðmerkingar er tú vælkomin at ringja til Umhvørvisstovuna, telefon 342400, ella at senda okkum ein teldupost us@us.fo
« AfturStuðul til niðurtøku av oljufýrum
03-07-2023
Umhvørvisárinsmeting fyri útbygging…
03-07-2023
Staðsetingardepilin: skeið í m.a. f…
20-06-2023
Kristina Olsen útlærd
14-06-2023
Fríggjadagin 9. Juni 2023 er stongt
06-06-2023
Umhvørvisárinsmeting fyri sólorkuve…
23-05-2023
Bjarni Kárason Petersen, landstýris…
27-04-2023
Stuðul til viðarvøkstur
17-04-2023
Avmarkingar í siglingarferð kring R…
15-04-2023
Stuðul til náttúru-, umhvørvis- og …
14-04-2023