Stuðul til náttúru-, umhvørvis- og veðurlagsverkætlanir í 2024.

Nú ber aftur til at søkja um stuðul til náttúru-, umhvørvis- og veðurlagsverkætlanir frá norðurlendsku arbeiðsbólkunum undir umhvørvis- og veðurlagssamstarvinum hjá Norðurlendska ráðharraráðnum. Arbeiðsbólkarnir stuðla á hvørjum ári verkætlanum, sum yvirskipað snúgva seg um at steðga missinum av lívmargfeldi, tillaging til veðurlagsbroytingar og burðardygga nýtslu av náttúru á landi og havi. Endamálið er at fremja visjón 2030 um, at Norðurlond skulu vera heimsins burðardyggasta øki við at íverkseta Samstarvsætlanina fyri Umhvørvi og Veðurlag 2019-2024.

Tað ber til at søkja um stuðul innan hesi evnini:

• Lívmargfeldi
• Hav og strond
• Umhvørvi og luft
• Kemikaliu, umhvørvi og heilsu.

Fyri at fáa stuðul frá norðurlendsku arbeiðsbólkunum eru nakrar av treytunum, at verkætlanin hevur norðurlendskan áhuga og luttøku úr minst trimum Norðurlondum.

Evstamark at søkja um fígging til verkætlanir í 2024 er fríggjadagin 9. juni 2023.

Um tú hevur spurningar, so ber til at venda sær til Fíu Niclasen, samskipara fyri Norðurlendska arbeiðsbólkin fyri lívmargfeldi (NBM), á fian@us.fo ella +298 234341.

Visti tú, at tað ber til at fylgja við Umhvørvis- og veðurlagssamstarvinum hjá Norðurlendska ráðharraráðnum á LinkedIn? Sí meira HER.