Føroyskur ungdómur er vælkomin við á ráðstevnu um lívmargfeldi, sum verður í Keypmannahavn í mars. Hetta er stevnan, har norðurlendskur ungdómur orðar sín boðskap at bera fram á ST-toppfundinum í Kina í heyst, tá nýggj altjóða avtala skal gerast fyri at bjarga lívmargfeldinum á klótuni.
Verkstovur fyri ung um lívmargfeldi hava verið hildnar í Stokkhólmi, Keypmannahavn, Helsinki, Reykjavík og Tórshavn, og nú verða boðskapir og meiningar frá hesum verkstovum samansjóðaðir á ráðstevnuni í Keypmannahavn. Á verkstovuni, sum Umhvørvisstovan skipaði fyri í januar í Havn, hildu luttakararnir, at tað er týdningarmikið at ung eru við til at bjarga náttúruríkidøminum, og eisini vóru føroysku ungfólkini til reiðar sjálvi at minka um nýtslu og vøkstur fyri at steðga oyðingini av djóra- og plantusløgum. Verkstovuluttakararnir fingu longu tá, í januar, at vita, at tey eru vælkomin á ráðstevnuna í Keypmannahavn. Men eisini onnur føroysk ung eru vælkomin við. Tilmelding og umsókn um at fáa ferðina goldna kann latast inn her:
https://www.norden.org/sv/event/kom-med-nordic-youth-biodiversity-summit
Umsóknarfreistin er sunnudagin 1. mars, so avgerðin um at fara skal takast hesa vikuna. Ráðstevnan verður hildin 28 og 29 mars í UN City, har 11 ymiskir ST-felagsskapir halda til.
« AfturStuðul til niðurtøku av oljufýrum
03-07-2023
Umhvørvisárinsmeting fyri útbygging…
03-07-2023
Staðsetingardepilin: skeið í m.a. f…
20-06-2023
Kristina Olsen útlærd
14-06-2023
Fríggjadagin 9. Juni 2023 er stongt
06-06-2023
Umhvørvisárinsmeting fyri sólorkuve…
23-05-2023
Bjarni Kárason Petersen, landstýris…
27-04-2023
Stuðul til viðarvøkstur
17-04-2023
Avmarkingar í siglingarferð kring R…
15-04-2023
Stuðul til náttúru-, umhvørvis- og …
14-04-2023